சிவனை அடையும் வழி

பகுதி 1§

1. வலது காலை மடக்கி பின்னால் தொடைக்கருகே பிட்டத்தின் இடுக்கில் சொருகி வைக்கவும். இ டது காலை மடக்கி அடிவயிற்றுக்கு முன்னே கொண்டுவரவும்.கைகளை முழங்கால் மீது வைத்து பெரு விரலும் சுட்டு விரலும் தொட்டுக்கொண்டிருக்க கைவிரல்கள் மேலே நோக்கியபடி ஆகாச முத்திரையில் இருக்க வேண்டும். உடற்சக்தியின் உறைவிடமான முதுகுத் தண்டை நேராக நிமிர்த்தி தலை நேராக அதில் இருக்கும்படி அமர வேண்டும்.§

§

2. அடுத்ததாக கால்களை மாற்றி உட்காரவும்.§

§

3. மூன்றாவது ஆசனத்தில் வலது காலை மடக்கி அடிவயிறு அருகே வைக்கவும். அதன் முன்னே இடது காலை மடக்கி வலது கால்பாதமுன்னே இடது கால் பாதம் இருக்கும்படி மடக்கி வைக்கவும். இது சித்தாசனத்தின் இன்னொரு வகையான ஆசனம். இரண்டு கால்களையும் தரையிலேயே முழுமையாக வைத்திருக்கவும். இந்த முதல் அங்கத்தில் நல்ல மாணிக்க சிவப்பு வர்ணத்தை உம் உடல் பலத்துக்காக மனதில் கற்பனை செய்து கொள்ளுங்கள்.§

§

 §

பகுதி 2§

4. முதல் பகுதியில் செய்த ஆசனத்திலிருந்து இடது காலை நேராக நீட்டி முன்னே குனிந்து இரண்டு கைகளின் பெருவிரல் ஆட்காட்டி விரல்களால் இடதுகால் பாதத்தை கெட்டியாகப் பிடிக்கவும். இது ஜனுசிரசாசனம் தலைமுதல் முழங்கால்வரை உள்ள ஆசனம். இந்த ஆசனத்தில் இலகுவாக இருந்துகொண்டு தலையை மெதுமெதுவாக கீழே இறக்கி முழங்காலைத் தொடவும். முழுமையாய் தளர்வாக இருக்கும்போது உங்கள் கைகள் தரைமீதும் உடம்பின் மேற்பகுதி கால்களிலும் இருக்கும்.§

§

5. இந்த ஆசன முறையை அடுத்ததாக வலது காலுக்கும் செய்க.§

§

6. பிறகு இரண்டு கால்களையும் நீட்டி (கொஞ்சம் வளைந்தாலும் பரவாயில்லை) முன்பக்கம் வளையும் பச்சிமோஸ்தானத்துக்கு போகவும். கால் பெருவிரல்களை கைபெருவிரல்களாலும் சுட்டு விரல்களாலும் இறுக்க பிடிக்கவும்.தலையை மெதுவாக முழங்காலில் வீழ்த்தி வைக்கவும். பயிற்சி செய்ய செய்ய கை கணுமுட்டி தரையில் இறங்கிவிடும். இந்த அங்கத்தில் தூய தன்னலமற்ற சேவைக்காக மேரிகோல்ட் ஆரஞ்சு (marigold orange) வர்ணத்தை மனக்கற்பனையில் ஏற்றுங்கள்.§

§

 §

பகுதி 3§

7. தரையில் படுத்து மேலே பார்த்துக்கொண்டு கால்களை மேலே எழுப்பி. கைகளை இடுப்பில் வைத்து தாங்கிக் கொண்டு உடம்பை மேலே தூக்கி தோளுக்கு நேராக வைக்கவும். இதுவே சர்வாங்காசனம். முதுகந்தண்டை நேராக வைத்து கால்களை ஒன்றாக வைத்து தரைக்கு செங்குத்தாக உடம்பை நேராக வைக்கவும்.§

§

8. அப்படி வைத்துக்கொண்டு இரு கால்களையும் தலைக்கு பின்னால் கால்பெருவிரல்கள் தரையை தொடும்படி இறக்கவும். பிறகு கைகளை கீழே இறக்கி உள்ளங்கைகளை கீழ்நோக்கி வைக்கவும். இதுவே ஹலாசானம்.§

§

9. இந்த பகுதியின் ஆசனத்தை சவாசனத்தோடு (சவம்போல் கிடப்பது) முடிக்கவும். அதாவது கால்களை முன்னே திருப்பி கொண்டுவந்து கைகளை பக்கவாட்டிலும் உள்ளங்கைகள் கீழ்நோக்கியும் இருக்க வேண்டும். ஒவ்வொரு தசையும் தளர்வாக சுகமாக இருக்கிறது. இந்த மூன்றாம் பகுதியில் தூய கல்வி அறிவுக்காக சூரிய மஞ்சள் (sun-gold yellow) நிறத்தை மனதில் கற்பனை செய்து கொள்ளுங்கள்.§

§

 §

பகுதி 4§

10. முட்டி போட்டு கால்களை பக்கவாட்டில் பரப்பி கணுக்கால்களுக்கு இடையே அமர்ந்து கைகளை முழங்கால்களில் வைத்து உள்ளங்கைகளை கீழ்நோக்கி வைக்கவும். இது வீர ஆசனம் என்னும் வீராசனம்.§

§

11. முட்டிபோட்டு அமர்ந்து கொண்டே பின்னால் மெதுவாக வளைந்து தலையினால் தரையை தொடவும். இதுவே பரியாங்காசனம். கைகளை நெஞ்சின்மேல் ஒன்றாக வைக்கவும்.§

§

12. உயிர்சக்தி சரிசமமாகப் பரவி நிற்கும்போது உடம்பை (முடிந்தால் கைகளின் உதவியின்றி) மேலே கொண்டுவந்து நெற்றி தரையில் தொடும்படி குனியவும். உள்ளங்கைகள் தலை பக்கமாகவும், முழங்கால்களுக்கிடையே பிட்டமும் தரையில் இருக்க வேண்டும். இப்பகுதி ஆசனங்களில் மரகதப் பச்சை நிறத்தை உடல்நலத்துக்காகவும் மனவுணர்வு நலத்துக்காகவும் மனக்கண்ணில் காணவேண்டும்.§

§

 §

பகுதி 5§

13. உடம்பை மேலே எழுப்பி மூச்சை உள்ளே இழுத்து மெதுவாக உடம்பை பின்பக்கம் வளைக்கவும். கைகளை நேராக தாங்கி பாம்பு நிற்பதுபோல புஜங்காசனத்தில் இருக்கவும். இரண்டு அல்லது மூன்றுமுறை மூச்சுவிடும்வரை நின்று, உடம்பை கீழே அழகாக தாழ்த்தவும்.§

§

14. கால்களை பின்னால் மடக்கி கைகளை பின்னால் நீட்டி கணுக்கால்களைப் பிடித்துக் கொள்ளுங்கள். மூச்சை உள்வாங்கிக் கொண்டு கால்களை மேலே இழுத்து தலையையும் உடம்பையும் வில்லைப் போன்று வளைக்கவும். இதுவே தனுராசனம். மேலேயும் பின்னாலும் பார்க்கவும். இரண்டு அல்லது மூன்று சுற்று சுவாசித்தபின் அதே நிலையில் இருக்கவும்.காலை விடும்போது மூச்சை வெளியே விட்டு உடம்பை கீழே இறக்குங்கள்.§

§

15. முட்டிபோட்டு அமர்ந்து பிட்டங்கள் கணுக்காலில் வைத்து பஞ்சாங்க பிராணாமாசனா செய்யும்போது நெற்றியை தரையில் வைத்து கைகளை முன்னே வைத்து உள்ளங்கைகள் கீழ்நோக்கி இருக்க வேண்டும். இப்பகுதியில் வெளிர் நீல நிறத்தை (royal blue) மன அமைதிக்காக கற்பனை செய்துகொள்ளுங்கள்.§

§

 §

பகுதி 6§

16. முன் செய்த ஆசனத்துக்குப் பிறகு கைவிரல்களைப் பின்னிக்கொண்டு கைகளை முக்கோணம்போல் தரையில் ஊன்றி தலையை வைத்து உடம்பை மெதுவாக மேலே எழுப்பி முழங்கால்களை மடங்கியே வைக்கவும். சற்று பொறுத்து கால்களை மெல்ல நேராக செங்குத்தாக நிறுத்தவும். இதுவே தலைகீழ் நிற்கும் சலம்ப சிரசாசனம். உடம்பின் பாரத்தை தலையில் வைக்காமல் கைகளில் வைக்கவும்.§

§

17. தயாராக இருந்ததும் உடம்பை வளைத்து முழங்கால்களை உள்ளே மடக்கி வைத்து இடுப்பை வளைத்து குனிந்து ரத்த ஓட்டம் சமநிலை பெற இந்நிலையில் 8 சுற்று மூச்சுவாங்கி விடும்வரை இருக்கவும்.§

§

18. மெதுவாக எழுந்து இடுப்பளவு நேராக இருந்து கைகளை முழங்கால்களில் வைத்து உள்ளங்கைகளை கீழ்நோக்கி வைக்கவும். தலையை சற்று கீழே சாய்த்து தொண்டைப் பகுதியை அடைத்து பந்தம் செய்தபின் கழுத்தை நேராக நிமிர்த்தவும். ஆன்மீக ஞானத்துக்காக ஊதா (purple) வர்ணம் உடல் முழுதும் பரவுவதாக கற்பனை செய்து கொள்ளுங்கள்.§

§

 §

பகுதி 7§

19. இடது இடுப்பு பகுதியில் அமர்ந்து வலதுகாலைத் தூக்கி இடது முழங்காலில் வைக்கவும். வளைந்திருக்கும் வலது காலின் இடவெளிக்குள் இடது கையை நுழைக்கவும். வலது கையை முதுகுப் பின்னால் இருந்து இடது கையை பிடிக்கவும் (அல்லது சுலபமாக இடது கையால் வலது முழங்காலை பிடிக்கவும்). முதுகந்தண்டை கூடுமானவரை நேராக வைக்கவும். இதுவே முதுகந்தண்டை முறுக்கும் மத்ஸ்யேந்திராசனம். மெதுவாக தலையை இடதுபுறம் திருப்பி ஒவ்வொரு தடவையும் மூச்சை உள்ளே இழுக்கும்போது உடம்பை முறுக்கி மூச்சை வெளியாக்கும்போது வலதுபுறம் திரும்ப வேண்டும்.§

§

20. அடுத்த பக்கத்துக்கும் இதே மாதிரி ஆசனம் செய்யவும்.§

§

21. இறுதியாக இரண்டு கால் பாதங்களையும் ஒன்று சேர்த்து இரண்டு கைகளாலும் பிடித்துக்கொள்ளவும். இது கழுகு போன்ற பட்டகோணாசனம். முழங்கால்களை தரையில் வைக்கவும். இப்பயிற்சி முழுதும் தெய்வீகப் பார்வையால் கர்மவினைகளை தூய்மையாக்க லேவண்டர் (லெவெண்டெர்) என்னும் பச்சை நீலம் கலந்த வர்ணத்தை மனக்கண்ணால் காணவும்.§

§

 §

பகுதி 8§

22. வலது காலை நீட்டவும். இடது காலைத்தூக்கி வலது தொடைமீது வைத்துக் கொள்ளவும். முன்னுக்கு முன்னேறி வலது காலை கைப்பெருவிரலாலும் சுட்டு விரலாலும் பிடித்துக் கொள்ளவும். இது தலை- முழங்கால் சம்பந்தப்பட்ட ஆசனத்தின் இன்னொரு வகையான ஜனு சிராசனம்.§

§

23. இதே மாதிரி இடது காலுக்கும் செய்யவும். இங்கு வலது கால் இடதுகால்மீது இருக்கவேண்டும்.§

§

24. கடைசியாக, தாமரைப்பூ ஆசனமான பத்மாசனத்தில் அமரவேண்டும். வலதுகால் இடது தொடைமீது ஏற்கனவே இருக்கிறது. இந்த ஆசனத்தை பூர்த்தி செய்ய கவனமாக இடது காலை வலது தொடைமீது வைக்கவும். முதுகந்தண்டு நேராக இருக்கவேண்டும். கைகளை மடியில் வைத்து உள்ளங்கைகளை விரித்து வலது கையை மேலே வைத்து பெருவிரல்கள் தொட்டுக்கொண்டு தியான முத்திரையில் அமர வேண்டும். பிறவியிலிருந்து விடுதலை என்ற மோட்சம் அடைய வெண்மை நிறத்தை தியானம் செய்யுங்கள்.§

§