Thannai Thannaal


  • Genre: natchintanai Deity: Siva
  • Artists: Sanjeevan Sivakumaran
  • Original Script

    தன்னைத் தன்னால்

    தன்னைத் தன்னால் அறிந்திட வேண்டுமே
    தானா யெங்குஞ் செறிந்திட வேண்டுமே
    பொன்னை மாதரைப் போக்கிட வேண்டுமே
    புவியி னாசையை நீக்கிட வேண்டுமே
    கண்ணைப் போலறங் காத்திட வேண்டுமே
    கமல பாதந் தொழுதிட வேண்டுமே
    எண்ணம் யாவு மிறந்திட வேண்டுமே
    என்கு ருபர புங்கவ சிங்கமே

    கசடு தீர்த்தறங் கற்றிட வேண்டுமே
    கல்வி யாற்பயன் பெற்றிட வேண்டுமே
    அசடர் நட்பை அகற்றிட வேண்டுமே
    அந்தி சந்தி அடிதொழ வேண்டுமே
    நிசசொ ரூபம றிந்திட வேண்டுமே
    நீங்கா தென்று மிருந்திட வேண்டுமே
    அசலு னக்கிலை யென்ற குருபர
    ஆண்மை விஞ்சிடும் அற்புதச் சிங்கமே

    மூன்று மொன்றாய் முடிந்திட வேண்டுமே
    முனையின் வாசல் திறந்திட வேண்டுமே
    ஊன்று பாதத் துறங்கிட வேண்டுமே
    உள்ளே யானந்தம் பொங்கிட வேண்டுமே
    தூண்டு சோதி விழுங்கிட வேண்டுமே
    தூய நிர்க்குண அற்புத பொற்பதம்
    ஈண்டு தந்த இனிய குருபர
    என்னை யாண்டவ இங்கித சிங்கமே

    இருளை நீக்கி இருந்திட வேண்டுமே
    எங்குந் தெய்வத்தைக் கண்டிட வேண்டுமே
    பொருள றிந்தினிப் போற்றிட வேண்டுமே
    பொய்ய ழுக்கா றகற்றிட வேண்டுமே
    மருளைத் தந்து மயக்கும் பொருள்களை
    மாற்றி யேயரு ளாக்கிட வேண்டுமே
    பெருமை யிற்பிறர் பேசுங் குருபர
    பெத்த னென்னையும் பேணிய சிங்கமே

    அஞ்சும் மூன்றும் அறிந்திட வேண்டுமே
    ஆண வத்தை ஒழித்திடல் வேண்டுமே
    இஞ்சி சூழும் இலங்கையி லிராவணன்
    ஏத்திப் போற்றி இசைத்த முதல்வனே
    நஞ்சு கண்டத்திற் கொண்டவ நம்பனே
    நம்மை யாளுவான் நண்ணும் முதல்வனே
    பஞ்சின் மெல்லடிப் பரம குருபர
    பாவி யேனையு மாட்கொண்ட சிங்கமே

    Photo of  Gurudeva
    The internal difference that makes a soul a jnani is that he knows who he is and who you are. He knows Truth, and he knows the lie.
    —Gurudeva